എടപ്പാള്: അബ്ദുന്നാസര് മഅദനിയുടെ ജീവന് രക്ഷിക്കണമെന്നാവശ്യപ്പെട്ട് പി.ഡി.പി തവനൂര് നിയോജകമണ്ഡലം കമ്മിറ്റി എടപ്പാളില് പ്രതിഷേധറാലി നടത്തി. നൂറുകണക്കിന് പ്രവര്ത്തകര് അണിനിരന്ന റാലി എടപ്പാള് പൊന്നാനി റോഡില് തട്ടാന്പടിയില് നിന്നുമാരംഭിച്ച് പട്ടാമ്പി റോഡിലെ സമ്മേളനനഗരിയില് സമാപിച്ചു.
തുടര്ന്ന് നടന്ന പൊതുസമ്മേളനം കെ.ടി. ജലീല് എം.എല്.എ ഉദ്ഘാടനംചെയ്തു. പി.ഡി.പി സീനിയര് വൈസ് ചെയര്മാന് സ്വാമി വര്ക്കല രാജ്, സംഘടനാ കാര്യ സെക്രട്ടറി സാബു കൊട്ടാരക്കര എന്നിവര് മുഖ്യപ്രഭാഷണം നടത്തി. മണ്ഡലം പ്രസിഡന്റ് പി.പി. ഷംലിക്ക് കടകശ്ശേരി അധ്യക്ഷതവഹിച്ചു. സംസ്ഥാന സെക്രട്ടറി അഡ്വ.കെ. ഷംസുദ്ദീന് കുന്നത്ത്, പി.ഡി.പി.വനിതാ വിഭാഗം സംസ്ഥാന ആദ്യക്ഷ ശ്രീജ മോഹനന്, ജില്ലാ പ്രസിഡന്റ് അലി കാടാമ്പുഴ, ഐ.എസ്.എഫ്. സംസ്ഥാന പ്രസിഡണ്ട് അഡ്വ. ഷമീര് പയ്യനങ്ങാടി, ജഅഫര് അലി ദാരിമി, അഡ്വ. പി.പി. മോഹന്ദാസ്, ഷറഫുദ്ദീന് പൊന്നാനി, കെ.എന്. ഉദയന്, ഹനീഫ പുത്തനത്താണി, ബാപ്പു പുത്തനത്താണി, യൂസഫ് പാന്ത്ര, മൊയ്തുണ്ണി ഹാജി, പി.ഡി.പി.ജിലാ വൈസ് പ്രസിഡണ്ട് വേലായുധന് വെന്നിയൂര് എന്നിവര് പ്രസംഗിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ