തൊടുപുഴ: മഅദ്നിക്കെതിരായ ജയിലിലെ ക്രൂരത പ്രമുഖ നേതാക്കള് നേരില്ക്കണ്ട് ബോധ്യപ്പെട്ടിരിക്കെ, മനുഷ്യാവകാശ ലംഘനമുണ്ടെങ്കില് ഇടപെടുമെന്ന വാക്ക് പാലിക്കാന് മുഖ്യമന്ത്രി തയാറാകണമെന്ന് പി.ഡി.പി സംസ്ഥാന ജനറല് സെക്രട്ടറി സുബൈര് സബാഹി വാര്ത്താ സമ്മേളനത്തില് ആവശ്യപ്പെട്ടു. മഅ്ദനിക്കെതിരായ മനുഷ്യാവകാശ ലംഘനങ്ങള് അവസാനിപ്പിക്കുക, കേസന്വേഷണം ദേശീയ ഏജന്സിയെ ഏല്പ്പിക്കുക, കര്ണാടകക്ക് പുറത്ത് വിചാരണ നടത്തുക തുടങ്ങിയ ആവശ്യങ്ങളുന്നയിച്ച് രാജ്ഭവന് മുന്നില് ധര്ണ നടത്താനും ഗവര്ണര്ക്ക് നിവേദനം നല്കാനും തീരുമാനിച്ചതായും അദ്ദേഹം അറിയിച്ചു.
അബ്ദുന്നാസിര് മഅദനിയുടെ നിര്ദേശപ്രകാരം സംസ്ഥാന പ്രതിനിധി സമ്മേളനം ഈ മാസം അഞ്ചിന് രാവിലെ 10 ന് എറണാകുളം മാസ് ഓഡിറ്റോറിയത്തില് വര്ക്കിങ് ചെയര്മാന് അഡ്വ. അക്ബറലിയുടെ അധ്യക്ഷതയില് ചേരും.
കേന്ദ്ര സര്ക്കാര് എന്ഡോസള്ഫാന് നിരോധിക്കണമെന്നും ദുരിതബാധിതര്ക്ക് സമ്പൂര്ണ പുനരധിവാസ പാക്കേജ് പ്രഖ്യാപിച്ച് ഉടന് നടപ്പാക്കണമെന്നും സുബൈര് സബാഹി ആവശ്യപ്പെട്ടു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ