കാസര്കോട് : കാസര്കോട്: അബ്ദുല്നാസര് മഅദനിയെ അറസ്റ്റ്ചെയ്ത് ഒരുവര്ഷം തികഞ്ഞിട്ടും വിചാരണ പോലും പ്രഹസനമാക്കുന്ന കര്ണാടക സര്ക്കാരുമായി കേരളസര്ക്കാര് അടിയന്തരമായി ചര്ച്ച നടത്തണമെന്ന് പി.ഡി.പി. ജില്ലാ പ്രസിഡന്റ് സക്കീര് ഹുസൈന് ആവശ്യപ്പെട്ടു. പി.ഡി.പി. ആഹ്വാനം ചെയ്ത കരിദിനത്തോടനുബന്ധിച്ച് കാസര്കോട് ഹെഡ് പോസ്റ്റോഫീസ് പരിസരത്ത് നടന്ന ധര്ണ്ണ ഉത്ഘാടനം ചെയ്തു സംസാരിക്കുകയായിരുന്നു അദ്ദേഹം. ധര്ണ്ണക്കു മുന്നോടിയായി നഗരത്തില് നടന്ന പ്രകടനം ഹെഡ്പോസ്റ്റോഫീസില് നിന്നാരംഭിച്ച് നഗരം ചുറ്റി ഹെഡ്പോസ്റ്റോഫീസ് പരിസരത്ത് തന്നെ സമാപിച്ചു. ഗോപി, ഖാലിദ്, മൊയ്തീന്ബാവ തങ്ങള്, മുഹമ്മദ്കുഞ്ഞ്, ഇസ്ഹാഖ് കന്തല്, അസീസ് എന്നിവര് സംസാരിച്ചു.
പ്രകടനത്തിന് യൂനുസ് തളങ്കര, ഉബൈദ് മുട്ടുന്തല, റഷീദ് ബേക്കല്, സിദ്ധിഖ് കാഞ്ഞങ്ങാട്, ആബിദ് തുടങ്ങിയവര് നേതൃത്വം നല്കി.
പ്രകടനത്തിന് യൂനുസ് തളങ്കര, ഉബൈദ് മുട്ടുന്തല, റഷീദ് ബേക്കല്, സിദ്ധിഖ് കാഞ്ഞങ്ങാട്, ആബിദ് തുടങ്ങിയവര് നേതൃത്വം നല്കി.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ