കോട്ടയം: അബ്ദുള് നാസര് മഅദനിയോട് ഭരണകൂടം കാണിക്കുന്നത് കാടത്തരീതിയാണെന്ന് കേരള മുസ്ലിം സംയുക്ത വേദി ജില്ലാ ചെയര്മാന് വി.എച്ച്. അലിയാര് മൗലവി അഭിപ്രായപ്പെട്ടു. പി.ഡി.പി. കോട്ടയം ജില്ലാ കമ്മിറ്റിസംഘടിപ്പിച്ച പ്രതിഷേധസംഗമം ഉദ്ഘാടനം ചെയ്യുകയായിരുന്നു അദ്ദേഹം. മഅദനിക്കു നീതിലഭിക്കുംവരെ ശക്തമായ സമരം സംഘടിപ്പിച്ചുകൊണ്ട് പി.ഡി.പി. മുന്നോട്ടുപോകുമെന്ന് മുഖ്യ പ്രഭാഷണം നടത്തിയ പി.ഡി.പി. സംസ്ഥാന ജനറല് സെക്രട്ടറി സുബൈര് സബാഹി പറഞ്ഞു.പി.ഡി.പി. ജില്ലാ പ്രസിഡന്റ് എം.എസ്. നൗഷാദ് അധ്യക്ഷത വഹിച്ചു. ജമാഅത്ത് ഇസ്ലാമി ജില്ലാ പ്രസിഡന്റ് ബഷീര് ഫാറൂഖി, പി.ഡി.പി. സംസ്ഥാന സെക്രട്ടേറിയറ്റ് മെമ്പര് നിഷാദ് നടക്കല്, ജില്ലാ ഭാരവാഹികളായ കെ.ജെ. ദേവസ്യ, സക്കരിയാ താവളത്തില്, വി.എ. മുഹമ്മദ്ബഷീര്, സക്കീര്കളത്തില്, മുഹമ്മദാലി കാഞ്ഞിരപ്പള്ളി, ഷാജി കാട്ടിക്കുന്ന്, അബ്ദുള് റൗഫ് അമാനി, മണ്ഡലം പ്രസിഡന്റുമാരായ അന്സര്ഷാ കുമ്മനം, അനൂബ് വാരാപ്പള്ളി, ടി.ഇ. ഇബ്രാഹിം മുഹമ്മദ് പായിപ്പാട്, റഷീദ്കോട്ടപ്പള്ളി, ഷാഹുല് അറുപുഴ എന്നിവര് പ്രസംഗിച്ചു.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ